RECEPCIÓN SELECCIÓNS GALEGAS 2017

Hoxe venres a Federación Galega de Balonmán ofreceu unha recepción ás seleccións galegas infantil, cadete e xuvenil masculinas e femininas, que participaron no mes de xaneiro no Campionato de España de Seleccións Territoriais.

No acto estiveron presentes o presidente da Federación Galega de Balonmán, todas as seleccións galegas participantes, cos seus corpos técnicos, ademais de representantes de clubs e entidades colaboradoras. 

Galicia fixo un magnífico papel neste torneo. A selección galega xuvenil masculina acadou a medalla de prata, mentres que a infantil feminina foi bronce. Ademais, a selección cadete feminina foi cuarta clasificada, mentres que a infantil masculina acadou a quinta posición e os cadetes foron sextos. Por último, indicar que a selección xuvenil feminina logrou o bronce na Copa de España.