Escapouse o ascenso á División de Honra prata para os nosos representantes

Os nosos equipos Construcciones Castro Porriño e Calvo Xiria non tiveron sorte na fase de ascenso á División de Honra Prata Masculina. O BM Porriño, que xogaba en casa, rematou na cuarta posición, con dúas derrotas e un empate. Pola súa banda, o Xiria foi terceiro no sector celebrado en Lanzarote (dúas derrotas e un triunfo).

Sector II. O BM Porriño comezou o sector contra os Dólmenes, que foi o club que acadou o ascenso con tres vitorias. O BM Porriño perdeu por 20-30. Na segunda xornada caeu de forma moi apertada contra O BM Santoña (20-21) e rematou o sector cun empate co Trapagarán (29-29).

Sector III. Pola súa banda, o Calvo Xiria perdeu o primeiro partido contra o conxunto local do Ca´Mario Lanzarote (27-22), gañou BM Elche (25-26) e foi derrotado polo KH-7 Granollers (26-34).