A SELECCIÓN ESPAÑOLA XA COÑECE O LALÍN ARENA

A selección española de balónmán xa coñece o Lalín Arena, onde mañá disputará (20:30 horas) o partido inagural da fase de clasificación para o Campionato de Europa 2012, fronte a Lituania.

O equipo dirixido por Valero Rivera adestrou onte no novo recinto, con capacidade para 3.000 persoas, e hoxe volveu a facelo ás 12 do mediodía. Ademais, o grupo xa puido comprobar a enorme expectación que existe en Lalín, xa que ata o adestramento se desprazaron moitos nenos e nenas en busca do seu autógrafo.

O equipo está concentrado no hotel Katiuska, de Silleda, onde hoxe martes atenderá aos medios de comunicación ás 14.15  horas.