O SEIS DO NADAL DISPUTARÁ A SEGUNDA FASE DO CAMPIONATO ESTATAL XUVENIL MASCULINO EN CASA E O LUCEROS

O  Seis do Nadal (1º equipo Galicia) disputará a segunda fase do Campionato Estatal Xuvenil Masculino en casa, mentres que o BM Luceros (2º Galicia) terá que viaxar ata Aranda de Duero (Burgos). O sector disputarase os días 21, 22 e 23 de abril.

 

O sector A disputarase en Vigo coa participación do equipo local Seis do Nadal, La Salle Córdoba (4º de Andalucía), BMC (1º de Madrid) e San José Obrero (2º de Canarias).

 

Póla súa banda, o BM Luceros forma parte do sector E, que se disputará en Aranda de Duero, xunto a Villa de Aranda (1º Castela e León), BM Toledo Amibal (2º Castela a Mancha) e Caja Sur Córdoba (2º Andalucía).

  

O campión de cada un dos sectores acada a clasificación para a fase final.