CARME CASTRO, CONVOCADA POLA SELECCIÓN NACIONAL XUVENIL

A xogadora do BM Porriño Carme Castro foi convocada de urxencia para participar na concentración que a selección nacional xuvenil feminina celebrará nos próximos días en Béjar (Salamanca). Nesta convocatoria Galicia conta con dúas xogadoras, xa que tamén aparece na lista Adriana Mallo (AD Carballal).

Durante a concentración, que se celebrará do 17 ao 24 de marzo, as Guerreiras xuvenís disputarán dous partidos amistosos contra Portugal (días 21 e 23 de marzo), que se celebrarán no Pavillón Municipal de Béjar.

O obxectivo fundamental desta concentración é preparar o Campionato de Europa de Eslovenia deste verán.

No documento adxunto, tedes a convocatoria.