MAÑÁ COMEZAN AS FASES FINAIS DA COPA FEDERACIÓN EN CATEGORÍA XUVENIL MASCULINA E CADETE FEMININA
Esta fin de semana terán lugar as Copas Federación das categorías Xuvenil Masculina e Cadete Feminina, que se celebrarán entre o sábado 25 e o domingo 26, en Tui e Pontevedra respectivamente.
O BM Tui recibirá como equipo anfitrión no Pavillón Novo de Tui ó Laber Xiria, ó que se enfrontarán ás 12:30 na segunda semifinal. A primeira disputarana o Club. Cisne Bm. Colegio Los Sauces e o Seis do Nadal ás 10:30h. Os vencedores de ámbolos dous partidos xogarán o domingo a final ás 12:30 para determinar qué equipo será o novo campión de copa.
Pola outra banda, a SD. Teucro Clínica Veteri saúde acollerá na súa casa, o Pavillón Multiusos da Xunqueira, os equipos Veteris Asmúbal Meaño, SAR Ledisson e Gráficas Lasa Carballal. Na primeira semifinal das 10:00 competirán estes dous últimos pola primeira praza en liza e xa as 12:00 as anfitrioas enfrontaranse ó Meaño pola outra praza da final. O domingo ás 12h os dous equipos gañadores competirán para coñecer as campioas finais da copa.