O Carballal infantil masculino, clasificado para a fase final do Campionato de España

O Carballal infantil masculino acadou de forma brillante a clasificación para a fase final do Campionato de España, vencendo os tres partidos do seu sector disputado esta fin de semana en Vigo. Xiria e Cisne non puideron lograr a clasificación, ao quedar segundos dos seus respectivos sectores.

O conxunto vigués era o organizador do sector A, e o club deu a talla tanto a nivel organizativo coma deportivo. O Carballal venceu na primeira xornada ao BM Sanse por 27-23, na segunda derrotou ao Maristas Ademar (31-29) e xa acadou a clasificación antes da disputa da terceira e última xornada. Pero aínda así, os vigueses sumaron unha terceira vitoria fronte ao Xixón Jovellanos (29-24). Primeiro de grupo e clasificado para a fase final do Campionato de España Infantil Masculino.

No sector B, disputado en León, O Xiria non acadou a clasificación, ao quedar na segunda posición cunha derrota, unha vitoria e un empate. O conxunto galego rematou na segunda posición por detrás do Ademar León.

No sector E, disputado en Cidade Real, competía o BM Cisne, que quedou na segunda posición cos mesmos puntos que o BMC, que foi primeiro e logrou a clasificación. O club pontevedrés gañou ao Academia Óptica Málaga Norte (29-24) e ao Pedro Muñoz (19-23), pero caeu contra o BMC (27-24) e ese choque foi clave.

Campionato infantil feminino

Na categoría feminina, nin Teucro nin Carballal acadaron a clasificación para a fase final do Campionato de España.

O Carballal, que tamén xogaba en casa, ocupou a terceira posición do grupo cunha vitoria e dúas derrotas, aínda que chegou ao último partido do sector con opción de clasificarse, pero caeu derrotado contra o Cleba León (14-20).

Pola súa banda, o Teucro xogaba en Xixón e quedou na última posición do sector con tres derrotas.