Federación Galega de Balonmán
28/10/2010 a las 00:00

ESTA FIN DE SEMANA DISPUTARANSE OS CUARTOS DE FINAL DA COPA GALICIA MASCULINA

A Copa Galicia masculina celebrará esta fin de semana os cuartos de final, coa incorporación dos clubs que disputan a División de Honra Prata (Academia Octavio, Frigoríficos do Morrazo e Teucro).

Nos oitavos de final acadaron a súa clasificación o Seis do Nadal, ao superar ao Novás por un contundente 34-25; o Chapela tras gañar ao Calfoncal Lavadores (30-32); o Lalín coa victoria sobre o Porriño (23-26): o Calvo Xiria que deixou atrás ao OAR (36-33) e o Peguform SAR que eliminou ao BM Cisne (30-32).

Os cuartos de final da Copa Galicia terán lugar entre mañá e pasado, aproveitando o parón liguero polo calendario internacional. O Academia Octavio enfrontarase ao Peguform SAR no pavillón de Redondela mañá día 29 de outubro a partir das 20:45 horas.

E tamén mañá disputarase dous partidos máis dos cuartos. O Lalín-Teucro (21:00 horas) celebrarase no Lalín Arena, que foi inaugurado onte dunha forma espectacular, coa presenza da selección española que logrou un cheo ata a bandeira, con máis de 3.000 persoas nas gradas. O terceiro choque de mañá celebrarase en Coia e enfrontará ao Seis do Nadal e o Chapela a partires das 21.15 horas. Para o sábado 30, so quedará o partido Calvo Xiria-Frigoríficos do Morrazo, que se disputará no Pavillón Vila de Noia a partires das 19:00 horas.

Para a disputa das semifinais e a final haberá que esperar ata comezos do ano 2011, no que coñeceremos ao gañador da Copa Galicia da presente tempada.


 

0 Me gusta

Me gusta
Sigue toda la información de la competición en tu móvil iPhone o Android

Su navegador no ha sido capaz de cargar todos los recursos de nuestra web, es posible que hayan sido bloqueados por un firewall, un proxy, algún complemento o la configuración de su navegador.

Puede probar a pulsar Ctrl + F5 o Ctrl + Shift + R para forzar a su navegador a intentar descargarlos de nuevo, o si esto no funciona, a utilizar otro navegador o a contactar con su administrador de sistema o proveedor de Internet para solucionar este problema.