DERON COMEZO OS CURSOS DE MONITOR E ÁRBITRO 2014

O pasado luns 10 de marzo deron comezo os cursos de Monitor de Balonmán Nivel I e de Aspirante a Árbitro/Anotador-Cronometrador na provincia de A Coruña. O curso de monitor comezou con arredor de 50 alumnos de diversas localidades (Santiago, Lugo, A Baña, Carballo, Camariñas,…), mentres que o de árbitro contou cunha asistencia de 15 persoas. Na presentación dos cursos, estiveron: Juan J. Fernández Romero (Coordinador do Curso de monitor e profesor de INEF), Ángel Pablo Permuy Villanueva (Coordinador do Curso de Árbitro e Presidente do Comité de Árbitros da FGB), Andrés Rosendo (Árbitro Nacional) e Bruno López (Delegado Provincial da FGB). O Curso de Monitor levaráse a cabo todos os luns de 20:30 a 23:00 horas na aula 2 da Facultade de INEF, mentres que o curso de aspirante a árbitro será os martes de 20:00 a 22:00 horas no mesmo escenario; ambos cursos quedan pendentes de acordar as datas das sesións intensivas.
Estes dous cursos estanse a celebrar  pola Federación Galega de Balonmán, coa colaboración da Universidade de A Coruña, a Facultade de Ciencias do Deporte e da Educación Física, do Consorcio de As Mariñas, a Xunta de Galicia e a Real Federación Española de Balonmán.